Америка кубогида финалчилар маълум бўлди
Турнир фаворитларидан бири сифатида кўрилган Уругвай ярим финалда мағлуб бўлди.
Спорт
11 июль, 9:20
11 июлга ўтар кечаси АҚШнинг Шарлотта шаҳрида Уругвай ва Колумбия терма жамоалари ўртасида Америка кубоги-2024 ярим финал учрашуви бўлиб ўтди.
Ушбу ўйинда Колумбия терма жамоаси Жефферсон Лерманинг ягона голи эвазига 1:0 ҳисобида минимал ғалабага эришди ва турнир финалига йўл олди.
Ҳал қилувчи баҳсда колумбияликлар Аргентина билан тўқнаш келишади. Бир кун аввал Лионел Месси ва жамоаси Канадани 2:0 ҳисобида мағлуб этганди.
Финал 15 июлга ўтар кечаси Майамида бўлиб ўтади.
Уругвай эса 3-ўрин учун канадаликлар билан тўқнаш келади. Учрашув 14 июлга ўтар кечаси Шарлотта шаҳрида бўлиб ўтади.
