"Ташаббусли бюджет" 6 июл санасидан бошланади

"Ташаббусли бюджет" жараёнининг 2024 йилги II мавсумига 6 июлдан старт берилади. Бу ҳақда Иқтисодиёт ва молия вазирлиги хабар берди. 

Бунда:

- лойиҳалар киритиш: 6–26 июль;
- лойиҳаларни саралаш: 26 июль–15 август;
- тарғибот қилиш: 15–22 август;
-овоз бериш: 22 август–1 сентябрь саналари давомида ўтказилади.

Ушбу мавсум учун туман ва шаҳар бюджетлари ҳисобидан 2 трлн сўмдан ортиқ маблағ йўналтирилади.

Жорий йилда лойиҳаларнинг энг юқори қиймати 1 млрд 360 млн сўмни ташкил этади.

Эслатиб ўтамиз, "Ташаббусли бюджет" жараёнининг биринчи мавсуми ғолиблари апрел ойида эълон қилинганди. Унга кўра, республика бўйлаб 2 254 та маҳалла бўйича жами 2 770 та лойиҳа ғолиб деб топилди.

 Ушбу лойиҳаларни молиялаштириш учун 3,3 трлн. сўм йўналтирилган.