Уммон ўзбекистонликлар учун визасиз тартиб жорий этди

Уммон Ўзбекистон фуқароларига мамлакатга 14 кун давомида визасиз бўлиб туриш тартибини жорий қилди.

Бу ҳақда Уммоннинг Ўзбекистондаги элчихонаси маълум қилди.

Шу билан бирга, мамлакатда мазкур муддатдан кўпроқ вақт мобайнида бўлишни истаган ўзбекистонликлар Уммонга кириш пайтида аэропортнинг ўзида кириш визасини расмийлаштиришлари мумкин.

Ўзбекистон Президентининг 2023 йил 9 февралдаги "Ўзбекистон Республикасида ички ва зиёрат туризмини янада ривожлантириш чора-тадбирлари тўғрисида"ги Фармонига мувофиқ, 2021 йил 1 мартдан бошлаб Уммон фуқаролари учун Ўзбекистон ҳудудига 10 кунлик муддатга визасиз режим жорий қилинган.

Эслатиб ўтамиз, 2024 йил февралда БАА ўзбекистонликлар учун виза тартибини бекор қилганди.