Путин Ғарбга қарши курашаётган давлатларга қурол етказиб бериш билан таҳдид қилди

Россия президенти Владимир Путин мамлакат Ғарбга ҳужум қилиш учун снайперлардан фойдаланиши мумкинлиги ҳақида огоҳлантирди ва ядровий қурол вариантида ҳам қатъий қолишини таъкидлаб ўтди.

Дунё ахборот агентликлари билан бўлиб ўтган брифинг чоғида у Ғарбнинг сўнгги пайтлардаги ҳаракатлари халқаро хавфсизликка янада путур етказиши ва "жуда жиддий муаммолар"га олиб келиши мумкинлигини айтди. Бу ҳақда Sky News хабар берди.

Владимир Путин НАТО иттифоқчиларининг Украинага Россия томонга ҳужум қилиш учун қурол ишлатишига рухсат берганига жавобан Ғарбга зарба бериш учун давлатларни снайпер ва ракета қуроллар билан таъминлаши мумкинлиги ҳақида огоҳлантирди.

"Бу уларнинг Россия Федерациясига қарши урушда бевосита иштирок этишини англатади ва биз ҳам худди шундай ҳаракат қилиш ҳуқуқини сақлаб қоламиз" – дейди Путин.

Россия президенти, шунингдек, Москва ўз суверенитетига таҳдид кўрса, ядро қуролидан фойдаланишга тайёрлигини яна бир бор эълон қилди.

Бу баёнот АҚШ, Буюк Британия ва Германия Украинага етказиб берилаётган узоқ масофали қуроллар билан Россия ҳудудини нишонга олишга рухсат берганидан кейин содир бўлди.

“Агар улар бизнинг ҳудудимизга зарба бериш учун жанговар зонага бундай қуролларни етказиб бериш ва бизга муаммо туғдириш мумкин деб ҳисобласалар, нега биз дунёнинг баъзи минтақаларига худди шундай қуролларни етказиб беришга ҳаққимиз йўқ?" - деди Путин.

“Ядровий қуролдан фойдаланиш ҳақида савол берилганда, Путин шундай жавоб қилди:

“Негадир улар(Ғарб) Россия бундан ҳеч қачон фойдаланмайди, деб ишонишади. Аммо бу мамлакатнинг ядровий доктринасида аниқ қилиб ёзилган: "Агар кимнингдир хатти-ҳаракатлари суверенитетимиз ва ҳудудий яхлитлигимизга таҳдид соладиган бўлса, биз ўз ихтиёримиздаги барча воситалардан фойдаланишимиз мумкин, деб ҳисоблаймиз".

Уч соатдан кўпроқ давом этган мунозараларда Россия президенти ноябрь ойида бўлиб ўтадиган АҚШ сайловларида Жо Байден ёки Доналд Трамп ғалаба қозонишидан қатъи назар, Россия-АҚШ муносабатларида ҳеч нарса ўзгармаслигини қўшимча қилди.

“Биз Америка халқи сайлаган ҳар қандай президент билан ишлаймиз. Ва мен чин дилдан айтаманки, биз сайловдан кейин Америка сиёсатида Россия йўлида нимадир ўзгаришига ишонмаймиз"- деди Путин.