Сирдарёда "Каптива" ҳайдовчиси одамлар устига машина ҳайдади
ИИБ ҳайдовчига жиноят иши қўзғатилиб, қамоққа олинганганини билдирди.
Жамият
30 май, 9:14
Тармоқда "Каптива" ҳайдовчиси стадионда одамлар устига машина ҳайдагани тасвирлари тарқалди. Маълумотларга кўра, ҳолат Сирдарё вилоятида содир бўлган.
Можаро футбол мусобақасидаги тортишувдан келиб чиққани айтилмоқда.
Ҳолат Сирдарё вилояти ИИБ масъул ходимлари томонидан ўрганилган. Мазкур автомашина ҳайдовчисига нисбатан Жиноят кодексининг 277-моддаси билан жиноят иши қўзғатилиб, тегишли тартибда қамоққа олинган, автомашина жарима майдончасига жойлаштирилган.
Ҳозирда ҳолат юзасидан суриштирув ҳаракатлари олиб борилмоқда.
