Қашқадарёда судя пора билан ушланди

Қашқадарё вилояти фуқаролик ишлари бўйича Чироқчи туман судининг судяси А.Б. 200 АҚШ доллари миқдорида пора олаётганда ушланган.

Бугун Судялар олий кенгашининг йиғилиши бўлиб ўтди. Унда Бош прокурорнинг фуқаролик ишлари бўйича Чироқчи туманлараро суди судяси А. Б.ни Жиноят кодексининг 210-моддаси тегишли қисми билан жиноий жавобгарликка тортишга оид тақдимномаси муҳокама қилинди, дейилади кенгаш матбуот хизмати хабарида.

Якунда Кенгаш хулосаси билан А. Б.ни жиноий жавобгарликка тортишга розилик берилди ва унинг судялик ваколати тўхтатилди.

Тергов сири ва айбсизлик презумпцияси талабларидан келиб чиқиб, бошқа тафсилотлар ошкор қилинмайди.

Аввал Наманганнинг Мингбулоқ туманида суд раиси 2 минг доллар билан ушланганди.