Очиқ бюджетга овоз бериш қайтадан бошланди

"Ташаббусли бюджет"нинг 2024 йил 1-мавсуми учун овоз бериш жараёнига старт берилди. Бу ҳақда Иқтисодиёт ва молия вазирлиги хабар берди. 

Овоз бериш босқичи 4 апрель 23:59 га қадар давом этади.

Эслатиб ўтамиз, Сиз ўзингизга қулай бўлган усуллардан бири орқали, жумладан:

- "Очиқ бюджет" порталининг веб-саҳифаси;
-  порталнинг мобил иловаси;
- “Телеграм“даги расмий бот орқали овоз беришингиз мумкин.

Таъкидлаш керакки, бир неча кун аввал ушбу платформа техник носозликлар сабаб тўхтатиб қўйилганди.

Эслатиб ўтамиз, “Очиқ бюджет”нинг жорий йилги илк мавсумига 1 февралдан старт берилганди.

- Лойиҳалар киритиш: 1–20 февраль;
- Лойиҳаларни саралаш: 21-феврал–11 март;
- Овоз бериш: 12–31 март саналари давомида ўтказилиши кўзда тутилганди.

Ушбу мавсум учун туман ва шаҳар бюджетлари ҳисобидан 3 трлн. сўмдан ортиқ маблағ йўналтирилади.

Жорий йилда лойиҳаларнинг энг юқори қиймати 1 млрд 360 млн сўмни ташкил этади.