Европарламент Арманистонга оид резолюцияни маъқуллади
Сўнгги пайтларда расмий Ереван ЕИ билан алоқаларни кучайтириш ва ҳатто унга аъзо бўлиш масаласини инкор этмаяпти.
Европарламент Европа Иттифоқи ва Арманистон ўртасида яқин алоқалар ўрнатиш зарурлиги, шунингдек, Арманистон ва Озарбайжон ўртасида тинчлик келишуви тўғрисида резолюция қабул қилди, деб хабар бермоқда “Armenpress.am” мухбири.
Ҳужжатни қабул қилиш учун 504 депутат овоз берди, 4 нафари қарши, 32 нафари бетараф қолди.
Резолюцияда Европарламентнинг позицияси кўрсатилган, унга кўра, агар мамлакат иттифоққа номзод мақоми учун ариза беришдан манфаатдор бўлса, ЕИнинг Арманистон билан муносабатлари ўзгариши мумкин.
Қабул қилинган резолюцияда Европарламент аъзолари Европа Иттифоқи ва Арманистонни иттифоқ билан ҳамкорликни кенгайтириш, жумладан, хавфсизлик соҳасида қўллаб-қувватлашга чақиради.
Резолюция, шунингдек, Озарбайжонни Тоғли Қорабоғ арманлари билан мулоқотга киришишга, “уларнинг ҳуқуқларини ҳурмат қилишга ва хавфсизлигини кафолатлашга” чақиради. Бундан ташқари, ҳужжатда айтилишича, Озарбайжон “қамоқдаги Тоғли Қорабоғ ва Арманистоннинг барча аҳолисини озод қилиши” керак.
9 март куни Арманистон ташқи ишлар вазири Арарат Мирзоян Туркиянинг TRT телеканали орқали Арманистон ҳукумати ЕИга кириш учун ариза топшириш масаласини фаол муҳокама қилаётганини айтди.
Унинг таъкидлашича, ҳозирча бу жараённинг натижасига "ҳеч ким ишонч ҳосил қила олмайди ёки башорат қила олмайди". Мирзоянга кўра, Европа Иттифоқи ва АҚШ Арманистонда демократик ислоҳотларни олға сурмоқда.
Декабр ойида Арарат Мирзоян Ереванда "Европа интилишлари" борлигини айтди. Вазирнинг таъкидлашича, Арманистон “Европа Иттифоқи имкони борича Европа Иттифоқига яқинлашиш” ниятида.
2023 сентябрида Озарбайжон Қорабоғни тўлиқ назоратга олганидан сўнг, Арманистоннинг Россия билан муносабатлари совуқлаша бошлади. Ҳатто Арманистон КХШТга аъзолигини музлатиб қўйди.
