Россияда ҳарбий самолёт ҳалокатга учради

Ҳалокат жойидан беш кишининг жасади топилди, ҳеч ким тирик қолмагани айтилмоқда. 

Жаҳон
12 март, 16:26
Россияда ҳарбий самолёт ҳалокатга учради

Россиянинг Иваново вилоятида Ил-76 ҳарбий самолёти ҳалокатга учради.

Россия Мудофаа вазирлиги мазкур ҳолатни тасдиқлади. Ҳалокатга учиш вақтида двигателлардан бирининг ёниб кетиши сабаб бўлган. Экипаж фавқулодда қўнмоқчи бўлган, бироқ учиш-қўниш йўлагига этиб бормаган.

Самолёт бортида саккиз нафар экипаж аъзоси ва етти нафар йўловчи бўлган. Катта эҳтимол билан уларнинг барчаси ҳалок бўлган. Ҳалокат жойидан ҳозирда беш нафар ҳалок бўлганларнинг жасади аллақачон топилган, деб ёзади маҳаллий ОАВлар. 

База телеканалининг ёзишича, самолёт ўқув парвозини амалга ошираётган эди. Самолёт Северний аэродроми яқинидаги Богородское қишлоғи яқинидаги қабристон ҳудудига қулаган. Россия Аэрокосмик кучлар Олий қўмондонлиги комиссияси текширув учун Иваново аэродромига учиб кетди.

Эслатиб ўтамиз, аввал ҳам Белгород вилоятида Ил-76 самолёти ҳалокатга учраганди. Унда 65 нафар украиналик асир борлигини маълум қилинганди. Ушбу ҳодиса оқибатида ҳам ҳеч ким тирик қолмаган. 

© 2023 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+