Россияда ичида 65 нафар украиналик бўлган самолёт қулади
Мудофаа вазирлиги мазкур ҳодисани тасдиқлади.
Жаҳон
24 январь, 15:03
Россиянинг Белгород вилоятида Ил-76 ҳарбий-транспорт самолёти ҳалокатга учради. Россия мудофаа вазирлиги мазкур хабарни тасдиқлаган.
Маълумотларга кўра, самолёт ичида 65 нафар украиналик ҳарбий асирлар бўлган. Улар ўзаро алмашиш учун Белгородга олиб келинаётган бўлган.
Шунингдек, олти кишилик экипаж ва 3 нафар кузатиб борувчи ҳам бор эди, дейилади маълумотда.
Сўнгги маълумотларга кўра, самолёт ҳалокати сабаб ҳеч ким тирик қолмаган.
