Тошкент шаҳар ИИББга янги бинолар қурилади
Бунинг учун ер ажратиш бўйича пойтахт ҳокими қарори имзоланди.
Тошкент шаҳар ИИББ янги бинога кўчади. Пойтахт ҳокими Шавкат Умрзоқов бошқармага ер майдони ажратиб бериш бўйича қарорни имзолади.
Ҳужжатга кўра, ИИББ учун Тошкент шаҳар, Мирзо Улуғбек тумани, Қорасув-4 мавзеси, 11-уй ёнида жойлашган аҳоли пунктларидан 0,23 гектарли ер майдони ажратилади.
Бу ерда маъмурий бино, кўп қаватли тураржой, болалар майдончаси ва бошқалар барпо этилади.
Ўзбекистон Ер кодексининг 36-моддасига кўрсатиб ўтилган ҳолатлар юзага келганда, ушбу қарор белгиланган тартибда бекор қилинади.
Қарор ижросини назорат қилиш ҳокимнинг биринчи ўринбосари Бахтиёр Раҳмонов зиммасига юкланган.
Эслатиб ўтамиз, аввал Шавкат Умрзоқов тошқинларга қарши ва дренаж тизими учун пул ажратганди.
