Навоийда ўқувчиларнинг дарс вақтида оммавий равишда сочи олинди
Болалар омбудсмани ҳолат юзасидан муносабат билдирди.
Бугун, 23 феврал куни ОАВда "Навоийда мактаб ўқувчилари дарс пайти спорт залга йиғилиб, сочи олинди" сарлавҳаси остида маълумот тарқалди.
Айтилишича, оммавий соч олиш ташаббуси мактаб директоридан чиққан.
Ҳолат Болалар омбудсмани томонидан ўрганилмоқда.
"Мактаб маъмурияти томонидан бундай ҳаракатларга мутлақо йўл қўйиб бўлмайди. Биринчи навбатда, бу умумий ўрта таълим муассасаларининг одоб-аҳлоқ қоидаларига зид. Муҳими эса, бу боланинг Конституцияда кафолатланган шахсий дахлсизлик ҳуқуқи ҳамда унинг шаъни ва қадр-қиммати ҳурмат қилиниши ҳуқуқига таҳдид солади. Мазкур ҳаракатга йўл қўйган масъулларга нисбатан тегишли чора кўрилиши зарур", - дея таъкидланади Болалар омбудсмани баёнотида.
Ҳозирда бу каби номақбул ҳолатларнинг бошқа таълим муассасаларида ҳам юзага келмаслиги бўйича чоралар кўрилмоқда, дейилади хабарда.
