Самарқанд ва Жиззахда юз мингдан ошиқ аҳоли электрсиз қолди
Ушбу ҳудудларда кучли шамоллар кузатилган.
Жамият
7 февраль, 10:50
Кучли шамол Самарқанд ва Жиззах вилоятларидаги айрим электр тармоқларида носозликлар келтириб чиқарган. Натижада юз мингдан ошиқ аҳоли электрсиз қолди.
Соат 07:30 ҳолатига ушбу ҳудудларда юз бераётган кучли шамол баъзи бир электр қурилмаларида носозликларга сабаб бўлган.
Бунинг натижасида Самарқанд вилоятида 457 МВт (114 минг 250 та истеъмолчи), Жиззах вилоятида эса 64 МВт (16 мингта истеъмолчи) қувват билан электр таъминотида вақтинчалик узилишлар кузатилмоқда.
"Ҳозирги вақтда махсус бригадалар томонидан таъмирлаш ишлари олиб борилмоқда. Носозликлар қисқа вақт ичида босқичма-босқич бартараф қилиниб, истеъмолчиларнинг электр таъминоти қайта тикланади" дейилади Энергетика вазирлиги хабарида.
