Самарқандда ширакайф ИИБ ходими ишдан олинди

Самарқандда иш вақтида спиртли ичимлик ичган ходим жазоланди. Бу ҳақда вилоят ИИБ хабар берди.

Бироз аввал тармоқда ИИБ ходимининг аянчли ҳолати тасвирланган видео тарқалганди.

Айтилишича, Самарқанд вилояти Қўшрабод тумани ИИБ профилактика инспектори лавозимида хизмат қилган (ИИОларига хизматга 2023 йил 20 ноябрда қабул қилинган) катта сержант З.С. "Хизмат кийимида спиртли ичимлик истеъмол қилганлиги ҳамда ички ишлар органлари ходими шаънига путур етказувчи ҳаракатлари" учун ички ишлар органлари ходимлари сафидан бўшатилган.

Хозирда, ушбу ҳолатни келиб чиқишига йўл қўйган раҳбар ходимларга нисбатан хизмат текшируви тайинланган.