Тошкентда канатли жамоат транспорти қурилади

Тошкентда канатли жамоат транспорти йўлга қўйилади. 23 январ куни Хитойнинг Шенчжен шаҳрида Тошкент шаҳар ҳокими в.б. Шавкат Умрзоқов бошчилигидаги делегация "Beijing North Bartholet Ropeway Technology Co., Ltd" компанияси вакиллари билан учрашди.

Компаниянинг МДҲ давлатлари билан ишлаш бўйича директори Бей Кю қўшма корхонанинг Швейцария сифатининг фундаментал тамойиллари асосида шаҳар мобиллигини ривожлантириш ва такомиллаштиришга қаратилган ечимларни ишлаб чиқиш бўйича олиб бораётган ишлари ҳақида гапирди.

Ҳамкорликнинг бир нечта вариантлари, шаҳарда таклиф этилаётган транспорт турлари ва йўналишлари кўриб чиқиш учун таклиф этилди.

Учрашув якунлари бўйича “Тошкент инвест компанияси” АЖ ва Хитой компанияси ўртасида инвестиция шартномаси имзоланди. Лойиҳа ер усти транспортини канатли таксилар билан дублёр такрорлашга қаратилган бўлиб, жамоатчиликка олдиндан тақдим этилиши режалаштирилган, уларнинг тавсиялари ва таклифлари лойиҳа офисига юборилади. Компания, ўз навбатида, унинг амалга оширилишини ва операцион бошқарувини таъминлайди.

Маълумот учун: "Beijing North Bartholet Ropeway Technology Co., Ltd" компанияси ўртасидаги қўшма корхона бўлиб, канат йўллари, истироҳат боғлари, машинасозлик ва ёритиш ускуналари соҳасида жаҳон етакчиларидан бири ҳисобланади.