Хитойдаги мактаб ётоқхонасида 13 киши ёниб кетди
Ҳозирда тергов ҳаракатлари олиб борилмоқда.
Жаҳон
20 январь, 11:07
Хитойнинг марказий қисмидаги Хэнан провинциясидаги мактаб ётоқхонасида ёнғин содир бўлди. Натижада 13 киши ҳалок бўлди, яна бир киши яраланди.
Ёнғин 19 январ куни маҳаллий вақт билан соат 23:00да Нанян шаҳрининг Фангченг округидаги мактаб ётоқхонасида содир бўлди, дея хабар бермоқда “Синхуа”. Таъкидланишича, қутқарувчилар тезда воқеа жойига етиб борган. Ёнғин ярим соат ичида ўчирилган.
Жабрланувчи шифохонада, унинг аҳволи барқарор баҳоланмоқда. Ҳозирда тергов ҳаракатлари олиб борилмоқда, дейилади хабарда.
Бир неча кун аввал Тошкентдаги Uzum омбори ёнида ёнғин чиққани хабар берилганди.
