Шавкат Мирзиёев Си Цзинпинга ҳамдардлик билдирди
Хитой жануби-шарқидаги фабрикада юз берган ёнғинда камида 28 киши ҳалок бўлди.
Ўзбекистон Президенти Шавкат Мирзиёев Гуанци-Чжуан автоном районидаги сув тошқинлари ҳамда Фуцзян провинциясида юз берган кучли ёнғин оқибатида кўплаб инсонлар ҳалок бўлгани, жиддий жароҳат олгани ва катта талафот кўрилгани муносабати билан Хитой Халқ Республикаси Раиси Си Цзинпинга ҳамдардлик йўллади.
Давлатимиз раҳбари вафот этганларнинг оила аъзолари ва яқинларига сабр-тоқат, жароҳат олганлар тез фурсатда соғайиб кетишини тилади.
Эслатиб ўтамиз, Хитойнинг жануби-шарқидаги пойабзал фабрикасида содир бўлган ёнғинда камида 28 киши ҳалок бўлди.
Ёнғин содир бўлган Жинжианг шаҳри кўпинча Хитойнинг "пойабзал пойтахти" деб аталади, чунки у дунёдаги спорт пойабзалларининг 20% гача ишлаб чиқаради.
