Ўзбекистон Африкадаги давлат билан дипломатик алоқа ўрнатди
Ушбу давлат Шарқий Африкада жойлашган, аҳолиси 46 миллионни ташкил этади.
Сиёсат
20 январь, 14:00
18 январ куни Кампала шаҳрида (Уганда) Ўзбекистон ва Уганда ўртасида дипломатик муносабатлар ўрнатиш тўғрисида Қўшма коммюнике имзоланди. Бу ҳақда ТИВ матбуот хизмати хабар берди.
Икки мамлакат ҳукуматлари номидан ҳужжатни Ўзбекистон Республикаси ташқи ишлар вазирининг биринчи ўринбосари Баҳромжон Аълоев ва Уганда Республикаси ташқи ишлар вазири Жеже Одонго имзолади.
Уганда Ўзбекистон билан дипломатик алоқа ўрнатган 145-давлат бўлди. Ушбу давлат шарқий Африкада жойлашган бўлиб, аҳолиси 46 миллион кишини ташкил қилади.
Эслатиб ўтамиз, ўтган йили ёзда Ўзбекистон Тринидад ва Тобаго республикаси билан дипломатик алоқа ўрнатганди.
