Кармана туманига янги ҳоким тайинланди
Аввалги ҳоким Президент йиғилишида танқидга учраганди.
Халқ депутатлари Кармана тумани Кенгашининг навбатдан ташқари сессияси бўлиб ўтди, унда туманга янги ҳоким тайинланди.
Сессия ишида вилоят раҳбари НорматТурсунов сўзга чиқиб, туман ҳокими лавозимига Aдизов Валижон Юсуповични тайинлаш тўғрисида қабул қилинган вилоят ҳокимининг қарорини ўқиб эшиттирди.
Ушбу қарор халқ депутатлари Кармана тумани Кенгаши депутатлари томонидан маъқулланди.
Эслатиб ўтамиз, туманнинг аввалги ҳокими Президент ўтказган йиғилишда танқидга учраб, ишдан олинганди. Карманадаги қурилиши якунланмаган бинода 452 та “майнинг” қурилмаси ўрнатилгани оқибатида ўн ой давомида қарийб 5,5 миллион киловатт-соат электрдан ноқонуний фойдаланилган.
Аввалроқ Бўка туманига янги ҳоким тайинланганди.
