Конституциявий суд судяларининг ваколат муддати ўзгартирилди

Президент томонидан имзоланган Қонун (ЎРҚ-895-сон, 12.01.2024 й.) билан “Ўзбекистон Республикаси Конституциявий суди тўғрисида”ги Қонунга ўзгартиш ва қўшимчалар киритилди. Унга кўра, Конституциявий суд судяларининг ваколат муддати ўзгарди.

Унга кўра, Конституциявий суд референдумга чиқарилаётган масалаларнинг Конституцияга мувофиқлиги тўғрисида хулоса беради.

Конституциявий суд мазкур тоифадаги масалалар бўйича тегишли ҳужжатлар олинган кундан эътиборан 15 кундан кечиктирмай қарор қабул қилади.

Шунингдек, киритилган ўзгартиришга кўра, Конституциявий суднинг судялари қайта сайланиш ҳуқуқисиз 10 йиллик муддатга сайланади (илгари биринчи марта 5 йилга, иккинчи марта 10 йилга сайланган).

Ушбу Қонун расмий эълон қилинган кундан эътиборан кучга киради.

Аввалроқ Олий суднинг саккиз судяси лавозимидан озод этилганди.