Ким Чен Ин Вашингтон ва Сеулни йўқ қилиб юбориш билан таҳдид қилди
КХДР лидери бунинг учун "ўта қудратли қуроллар"ни ишга солмоқчи.
Шимолий Корея етакчиси Ким Чен Ин агар қарама-қаршилик юзага келса, AҚШ ва Жанубий Корея пойтахтлари Вашингтон ва Сеулни йўқ қилиб юбориш таҳдид қилди. Унинг сўзларини Корея марказий ахборот агентлиги келтириб ўтди.
“Ўртоқ Ким Чен Ин АҚШ ва “Корея Республикаси” унсурларининг ўлиб бораётган ҳийла-найранглари янада кучайишини айтиб, армиямиз душманларга шафқатсизларча зарба беришини таъкидлади”, - дейилади агентлик баёнотида.
Қайд этилишича, Ким Чен Ин ўз душманларини йўқ қилиш учун “ўта қудратли қуроллар” арсеналидан фойдаланишга тайёр.
Бунгача Шимолий Корея етакчиси Корея ярим оролида бир-бирига катта душман бўлган давлатлар жойлашганини маълум қилганди. У Корея яриморолидаги можаронинг кучайиши эҳтимолини тан олди.
Бир неча кун аввал эса Ким Чен Ин армияни урушга тайёргарликни кучайтиришга чақирганди.
