Ким Чен Ин: Шимолий Корея абадий ядровий давлат бўлиб қолади
КХДР етакчиси "душманларнинг барча провокацион ҳаракатларига қарши агрессив кураш олиб борилишини" эълон қилди.
Шимолий Корея етакчиси Ким Чен Ин Олий Халқ Ассамблеяси сессиясида мамлакат абадий ядровий давлат бўлиб қолишини эълон қилди.
"Республика ҳукумати ўзининг ядровий мақомини мутлақо қайтариб бўлмайдиган даражада мустаҳкамлашда давом этади.
Бизга қарши бўлган кучларнинг барча провокацион ҳаракатларини бостириш учун агрессив кураш олиб борамиз", деди Ким Чен Ин.
Шимолий Корея етакчисининг сўзларига кўра, мамлакат расмийлари мамлакатнинг мудофаа қобилиятини доимий равишда мустаҳкамлаш ҳамда "мамлакатни қалъага айлантиришда" давом этади.
Унинг қўшимча қилишича, Пхенян "минтақадаги хавфсизлик ва тинчликнинг ўз кафолатлари учун" кучли кудрат намойиш қилиши керак.
Бундан ташқари у Жанубий Кореяни "мамлакатнинг энг ашаддий душмани" деб атади.
Эслатиб ўтамиз, Ким Чен Ин КХДРнинг 15-чақириқ Олий Халқ Ассамблеясининг биринчи сессиясида асосий нутқ сўзлади. 23 март куни ассамблея Ким Чен Инни Шимолий Корея Давлат ишлари бўйича раис этиб қайта сайлади.
