Абдусатторовда кумуш, Синдоровда бронза. Сўнгги натижалар
Шунингдек, Умида Омонова Ўзбекистон делегацияси ҳисобига кумуш медални тақдим қилди.
Спорт
28 сентябрь 2023 йил
Шахмат бўйича Ўзбекистон терма жамоаси ҳам делегациямиз ҳисобига қўшалоқ медаллар тақдим қилди.
Эркаклар ўртасидаги баҳсларда Нодирбек Aбдусатторов 7 очко билан кумуш, Жавоҳир Синдоров эса 6.5 очко билан бронза медалига сазовор бўлди.
Шунингдек, Умида Омонова Ўзбекистон делегацияси ҳисобига кумуш медални тақдим қилди. 9 тур якунига кўра, Омонова 6.5 очко билан иккинчи натижани қайд этди ва кумуш медал билан тақдирланди.
Ўқ отиш дастурида делегациямиз ҳисобига яна бир медал ёзилди. Владимир Свечников 10 метрга пневматик тўппончадан отиш дастурида бронза медалига сазовор бўлди.
