Тўра Боболов Оққўрғон ҳокими этиб тайинланди

Боболов Тўра Абдиевич Тошкент вилоятининг Оққўрғон тумани ҳокими лавозимига тайинланди. Бу ҳақда Platina.uz манбаси хабар берди. 

Тайинловга қадар Т.Боболов Савдо-саноат палатаси раиси ўринбосари лавозимида фаолият юритган.

Эслатиб ўтамиз, Тўра Боболов илк бор 2019 йилда Сурхондарё вилояти ҳокими вазифасига келганди. У Сурхондарёга 2022 йил декабригача раҳбарлик қилди. 2023 йил март ойида Боболовнинг депутатлик ваколати ҳам тугатилганди. 

Оққўрғонга Боболовга қадар Алишер Каримжонов ҳокимлик қилиб келаётганди.