Фарғонада "ҳожи фирибгарлар" ушланди
Ҳозир уларга нисбатан Жиноят кодексининг 25, 168-моддаси (фирибгарлик) билан жиноят ишлари қўзғатилиб, тергов ҳаракатлари олиб борилмоқда.
Давлат хавфсизлик хизматининг Фарғона вилояти бўйича бошқармаси ходимлари бир нечта тезкор тадбирлар ўтказиб, ҳажга юборишни ваъда қилиб, одамларни алдаган фирибгарларни қўлга олинган.
Марғилон шаҳрида фаолият юритувчи туристик фирма раҳбари Я.М. ўзганинг ишончига кириб, уни ва танишини ҳаж зиёратига юбориш эвазига 16 минг доллар олган вақтида ашёвий далиллар билан ушланган.
Марғилон шаҳрида фаолият юритувчи бошқа бир туристик фирма ходими А.Т. эса Қўштепа туманида яшовчи фуқарога ҳаж-2023 визаси расмийлаштириб, зиёратга юбориш эвазига талаб қилинган 10 минг доллардан 4 минг долларини олдиндан олган вақтида ушланган.
Бувайда туманида кузатилган ҳолатда Андижон шаҳридаги туристик фирма вакили М.Ж. Марғилон шаҳрида яшовчи фуқаронинг онасига ҳаж-2023 визаси расмийлаштириб, зиёратга юбориш эвазига талаб қилинган 8500 доллардан 3 минг долларини олдиндан олган вақтида ушланган.
Ҳозир уларга нисбатан Жиноят кодексининг 25, 168-моддаси (фирибгарлик) билан жиноят ишлари қўзғатилиб, тергов ҳаракатлари олиб борилмоқда.
