ТАТУ ректори ўзига янги Equinox сўраб олди
Билдиргида 4 та Lacetti, 1 та Hyundai Elantra ва 1 та Malibu-2 эскиргани ва шунинг учун кўп бензин сарф қилаётгани ёзилган.
Жамият
27 май 2023 йил
![ТАТУ ректори ўзига янги Equinox сўраб олди](https://cp.platina.uz/media/CACHE/images/Equinox.b0e623c1f1c0.webp)
Тошкент ахборот технологиялари университети ректори Б.Маҳкамов Рақамли технологиялар вазирига билдирги ёзиб, ўзига янги Equinox сотиб олиб беришни сўраган.
Билдиргида ёзилишича, университет ҳисобидаги 6 та машина эскирган. Жумладан, 4 та Lacetti, 1 та Hyundai Elantra ва 1 та Malibu-2 эскиргани ва шунинг учун кўп бензин сарф қилаётгани ёзилган.
Шу мақсадда ректор вазирдан 2 та янги машина олиб беришни сўраган. Вазирлик эса ҳозирча 472,5 млн. сўмлик битта Equinox харид қилган.