Шахмат бӯйича чемпионатнинг рапид йӯналишидаги ўйинлар якунланди
Ўйинлар Самарқандда бўлиб ўтмоқда.
Самарқандда ӯтаётган рапид ва блиц йӯналиши бӯйича VI жаҳон чемпионатида рапид йўналиши бўйича барча ӯйинлар якунига етди. Бу йӯналишда, аввал хабар қилганимиздек, норвегиялик Магнус Карлсен 1-ӯринни олиб, чемпион бўлди. Словениялик Владимир Федосеев иккинчи, хитойлик Янгйи Йу учинчи ўринни эгаллади.
Аёллар гуруҳида эса FIDE байроғи остида баҳсларда иштирок этган (Россияга қӯйилган санкциялар боис бу давлат номидан иштирок эта олмайди) Анастасия Боднарук биринчи ўринни олди ва 2023 йилги жаҳон чемпионига айланди.
Ҳиндистонлик Ҳемпи Канеру кумуш, хитойлик Тингжи Ле бронза медалига сазовор бўлди.
Ўзбекистон жамоасида эса Нодирбек Абдусатторов 9 очко тўплаб, дунё миқёсида энг нуфузли шахматчиларнинг ТОП-10 талигидан жой олди.
Ўзбекистон шахматчи қизлари орасида Афрўза Ҳамдамова энг юқори натижани қайд этди.
Шу тариқа Самарқанд чемпионатининг рапид шахмат бӯйича мусобақаларига якун ясалди.
Чемпионат турнирлари 29-30 декабр кунлари блиц йўналишида давом этади.