Сирдарёда бюджетдан миллиардлаб маблағ ажратилмоқда: тафсилотлар
Аввалроқ прокуратура биноси ва радарлар учун маблағ ажратилганди.
Сирдарёда вилояти ҳокими Акмалжон Маҳмудалиев 20 декабр куни маблағ ажратиш бўйича икки фармойишни имзолади.
Биринчи фармойиш Гулистон шаҳри "Баркамол авлод" болалар мактаби биноси ташқи коммуникациясини қуриш учун Республика бюджетидан ажратилган 1,7 млрд. сўм ҳисобидан Сайҳунобод туманига 500 миллион сўм, Сардоба туманига 1,2 млрд. сўм ажратишни назарда тутади.
Иккинчи фармойишда Оқолтин тумани "Саҳоват" МФЙда жойлашган 14-мактабни мукаммал таъмирлаш натижасида юзага келган 3.2 млрд сўм кредиторлик қарзларини ёпиш белгиланган. Ушбу мактаб Сардоба сув омборида юзага келган фавқулодда ҳолат оқибатида зарар кўрган.
Маблағ ҳомийлар ҳисобидан, Сирдарё вилояти ҳокимлиги махсус ғазнасига келиб тушган пулдан берилади.
Аввалроқ Акмалжон Маҳмудалиев прокуратура биноси ва радарлар учун маблағ ажратиш бўйича уч фармойишни имзолаганди.