Избоскан собиқ ҳокими қамоққа олинди

Андижон вилояти Избоскан тумани собиқ ҳокими Серобиддин Исмоилов қамоққа олинди.

Platina.uz манбаси берган маълумотга кўра, Андижон шаҳар суди бугун, 21 декабр куни ажрим чиқарган.

Маълумотларга кўра, у ноқонуний қарорлар билан ер майдонлари талон-торож қилинишига йўл қўйган. Унинг даврида ишлаган деярли барча ўринбосарлар ер савдоси билан қамалган эди.

Эслатиб ўтамиз, якшанба куни ўтказилган халқ депутатлари кенгашида Избоскан ҳокими Серобиддин Исмоилов ишдан олинган эди.