Избоскан ҳокими ишдан олинди

Андижон вилояти Избоскан тумани ҳокими Серобиддин Исмоилов ишдан олинган.

Бугун халқ депутатлари туман кенгашининг навбатдан ташқари сессияси бўлиб ўтган. Дам олиш куни ўтган сессияни вилояти ҳокими Шуҳрат Абдураҳмонов олиб борган.

Туман ҳокими вазифасини вақтинчалик бажариш бугунгача ҳокимнинг биринчи ўринбосари лавозимида ишлаб келаётган Ҳожиакбар Умаровга топширилган.

Серобиддин Исмоилов 2018 йилда ушбу лавозимга тайинланган эди.