Ню-Йоркдан Тошкентга учаётган самолёт Россияда фавқулодда қўндирилди
Самолётда зўравонлик содир этилгани хабар берилган.
Ню-Йоркдан Тошкентга учаётган Uzbekistan Airways авиакомпанияси ҳаво кемасида зўравонлик қилган йўловчи туфайли Санкт-Петербург аэропортига фавқулодда қўнишга мажбур бўлди.
Бу ҳақда компания матбуот хизмати хабар берди.
Ҳодиса 11 декабр куни Тошкент вақти билан 07:35 да HY102 Ню-Йорк – Тошкент рейсида содир бўлди. Boeing 787 ҳаво кемаси сардори йўналиш бўйлаб муқобил аэродромга қўнишга қарор қилди.
Бортдаги муаммо ҳақида радиоалоқа орқали хабар берилди. 1991 йилда туғилган Ўзбекистон фуқароси полиция ходимлари томонидан рейсдан ечилди, дейилади хабарда.
Керакли процедуралар амага оширилгач, ҳаво кемаси белгиланган аеропортга парвозни давом эттиради.
Рейснинг Тошкентга етиб келиши Тошкент вақти билан 13:00 га белгиланган.
Телеграмда кузатиб боринг!
