“Права” олиш қийинлашгани билан ўлим сони камаймаяпти

Ҳайдовчилик гувоҳномаси олиш тартиби ўзгартирилиб, жиддий назорат ўрнатилган, уни олиш бир мунча қийинлаштирилганига қарамай, бугунги кунда юзлаб, минглаб одамлар автоҳалокатлар оқибатида жон бермоқда.

2022 йил 10 февралда ўтказилган видеоселектор йиғилиши вақтида президент Шавкат Мирзиёев йўл ҳаракати хавфсизлиги соҳасида тўпланиб қолган бир қатор муаммо ва камчиликларни айтиб, мутасаддилар фаолиятини танқид остига олганди.

Йиғилишда 2021 йилда авариялар сабаб 2,5 мингга яқин одам вафот этгани, шундан 263 нафари ёш бола экани очиқланганди. Ҳатто ўша пайтларда коронавирус сабаб вафот этганлар сонидан автоҳалокат сабаб вафот этганлар сони кўплиги кенг муҳокама қилинган.

Ички ишлар вазирлигининг расмий сайтида жойлаштирилган очиқ маълумотларга асосланадиган бўлсак, 6172 киши автоҳалокатдан жабрланган. Булардан 5961 нафари эркаклар, 211 нафари аёллар.

Вилоятлар кесимида:

т/р	Вилоят номи	Жароҳатланган (эркак)	Вафот этган (эркак)	Жароҳатланган (аёл)	Вафот этган (аёл)
1	Тошкент шаҳри	857	79	78	5
2	Тошкент вилояти	574	173	23	6
3	Самарқанд	540	210	14	2
4	Сирдарё	107	40	0	1
5	Жиззах	247	109	4	1
6	Бухоро	194	49	7	2
7	Навоий	148	42	1	0
8	Фарғона	852	147	22	6
9	Андижон	358	109	15	4
10	Сурхандарё	154	85	5	2
11	Қашқадарё	280	119	5	0
12	Хоразм	128	57	2	2
13	Қорақалпоғистон	251	52	4	0
14	Жами	4690	1271	180	31