Киношунос Жўра Тешабоев вафот этди
Унинг илмий ишлари кино санъати назарияси ва тарихига оид масалаларга бағишланган.

Фанлар академияси Санъатшунослик институти профессори, таниқли киношунос Жўра Тешабоев вафот этди.
Бу ҳақда Республика Киноарбоблар уюшмаси хабар берди.
Жўра Тешабоев Ўзбекистонда хизмат кўрсатган санъат арбоби (1989), Санъатшунослик фанлари доктори, профессор (1991). Киев университетини тугатган (1956).
У 1956—1958 йиллар Андижон маориф бўлимида ишлади, 1958— 60 йиллар "Ўзбекфилм"да муҳаррир, 1960 йилдан Санъатшунослик институтида аввал аспирант, илмий ходим, 1987-йилдан кино ва телевидение бўлимининг бошлиғи, 1968 йилдан Санъат институтида фаолият юритган.
Илмий ишлари кино санъати назарияси ва тарихига оид масалалар, шунингдек, ўзбек экран санъати арбоблари ижодига бағишланган.