Олмалиқда мансабдор катта пора билан ушланди
У 0,28 гектардан иборат ер участкасини 3 қисмга бўлиб бериш ва ҳар бир ер участкасига алоҳида кадастр ҳужжатларини расмийлаштиришни ваъда қилган.
Давлат кадастрлар палатаси Олмалиқ шаҳар филиали бош муҳандиси А.И. Хонобод кўчасида жойлашган 0,28 гектардан иборат ер участкасини 3 қисмга бўлиб бериш ҳамда ҳар бир ер участкасига алоҳида кадастр ҳужжатларини расмийлаштириб бериш эвазига 4000 доллар миқдоридаги пулни пора сифатида талаб қилган.
У олдиндан 1800 долларни олиб, кейинчалик қолган 2200 долларни ариза муаллифидан олаётган вақтида ашёвий далиллар билан ушланган.
Жабрланган фуқаро С.Ж. Тошкент вилояти ИИБ ЖҚБ Ер ресурслари талон-торож қилинишига қарши курашиш бўлинмасига бу бўйича мурожаат қилган. Вилоят прокуратураси ва ҳуқуқни муҳофаза қилувчи орган ходимлари билан ҳамкорликда тезкор тадбир ўтказган.
Мазкур ҳолат юзасидан департаментнинг вилоят бошқармаси Жиноят кодексининг 210-моддаси билан жиноят иши қўзғатиб, дастлабки тергов ҳаракатлари олиб боряпти.
