Илҳом Алиев Европа парламентини "коррупционерлар уяси" деб атади
Алиевнинг бу сўзлари Боку ва бир қатор Европа институтлари ўртасидаги давом этаётган кескинликлар, жумладан, Озарбайжонни танқид қилувчи резолюциялар фонида янгради.
Озарбайжон президенти Илҳом Алиев Европа парламентини кескин танқид қилди.
Илҳом Алиев бу ҳақда Туркий Давлатлар Ташкилоти Бош котиби Кубаничбек Омуралиев, шунингдек, Туркий Давлатлар Ташкилоти Мусулмонлар Диний Бошқармалари Раҳбарлари Кенгаши аъзолари ва кузатувчилари билан учрашувда айтиб ўтди.
Озарбайжон етакчиси ташкилотни коррупцияга ботишда ва исломга қарши эълон қилинмаган сиёсий урушда айблади, деб хабар беради Trend агентлиги.
Омма олдидаги нутқида у шундай деди: "Европа Парламенти коррупцияга ботган амалдорларнинг уяси. Мен буни тўлиқ масъулият билан айтаман".
Коррупция айбловларидан ташқари, Алиев исломофобия масаласига ҳам тўхталиб, уни Ислом дунёсига қарши эълон қилинмаган урушнинг бир қисми деб атади. Маънавий етакчилар билан учрашувда у Ислом ва диннинг ўзини "обрўсизлантириш" олдиндан режалаштирилган сиёсат асосида амалга оширилаётганини таъкидлади, гарчи у аниқ ташаббускорларни аниқламаган бўлса ҳам.
Алиевнинг бу сўзлари Боку ва бир қатор Европа институтлари ўртасидаги давом этаётган кескинликлар, жумладан, Озарбайжонни танқид қилувчи Европа парламенти резолюциялари фонида янгради.
