Пахтакор учун сўнгги тур ҳаёт-мамот жангига айланади

Осиё чемпионлар лигаси гуруҳ босқичининг 5-тур учрашувлари бўлиб ўтди.

Спорт
28 ноябрь 2023 йил
Пахтакор учун сўнгги тур ҳаёт-мамот жангига айланади

Осиё чемпионлар лигаси гуруҳ босқичининг 5-турида Пахтакор меҳмонда Ал-Айн устидан иродали ғалабага эришди.

Аввалига тошкентликлар гол ўтказиб юборган бўлса-да, иккинчи таймда улар вазиятни ўнглай олишди ва 3:1 ҳисобида ғалаба қозонишди. Пахтакор 7 очко билан 2-ўринда, ундан кейин Ал-Фейха ҳам худди шу ҳисобли ғалаба билан 6 очко тўплаб, 3-ўринда бормоқда.

Охирги турда Пахтакор ўз майдонида айнан Ал-Фейхани қабул қилади ва иккинчи ўрин учун кескин кураш бўлиши кутиляпти.

Наманганда ўтган ўйинда эса Навбаҳор ва Ал-Ҳилол гуруҳдаги пешқадамни аниқлаб олишди. Ҳар иккиси кейинги босқич масаласини ҳал қилиб бўлган. Меҳмонлар иккита пеналтини уролмаганини ҳам айтиб ўтиш керак.

ОЧЛ, гуруҳ босқичи, 5-тур

Ал-Айн - Пахтакор 1:3
Голлар: Халфан 18 - Эркинов 55, 62, Черан 78.

Навбаҳор - Ал-Ҳилол 0:2
Голлар: Малком 69, Ад-Довсари 85.

© 2023 Platina.uz. Барча ҳуқуқлар ҳимояланган. «Platina.uz» сайтида жойланган маълумотлар муаллифнинг шахсий фикри. Сайтда жойланган ҳар қандай материаллардан ёзма рухсатсиз фойдаланиш тақиқланади.
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан 02.12.2022 санасида №051412 сонли гувоҳнома билан ОАВ сифатида рўйхатга олинган.
Platina.uz сайтида реклама жойлаштириш масаласида +998 97 022 01 10 телефон рақамига (Telegram: Platina PR) мурожаат қилинг. Таҳририят билан алоқа: info@platina.uz
18+