Бенземанинг Олмалиққа юриши: ОЧЛда кун ўйинлари

Бугун Осиё чемпионлар лигаси гуруҳ босқичининг 5-тур ўйинлари бошланади. Унда бир қатор қизиқарли учрашувлар бўлиши кутиляпти.

Хусусан, Карим Бензема ва Канте каби футболчилари бор Ал-Иттиҳод жамоаси Олмалиқда ОКМК меҳмони бўлади. Олмалиқликлар ОЧЛдаги иштирокини жуда омадсиз ўтказмоқда.

Шунингдек, Қаршининг Насаф клуби ўз уйида Ал-Файсалини қабул қилади. Насафликларнинг плей-оффга чиқиш имкониятлари ҳозирча юқори бўлиб турибди.

Наманганнинг Навбаҳор жамоаси эса Ал-Ҳилол жамоасини қабул қилади. Аммо саудияликлар сафидаги Неймар жароҳати сабабли бу ўйинни ўтказиб юборади ва Наманганга келмайди.

Тошкентнинг Пахтакор жамоаси эса Ал-Айн меҳмони бўлади. Уларнинг гуруҳдан чиқиш масаласи кейинги иккита ўйинга боғлиқ.