АҚШ-Канада чегарасида кучли портлаш содир бўлди

АҚШ-Канада чегарасида, Ниагара шаршараси яқинидаги Rainbow кўпригида кучли портлаш содир бўлди.

Бу ҳақда маҳаллий маъмурият ва Федерал қидирув бюроси маълумотларига таяниб, ABC News хабар берди.

Ниагара-Фолс мэрияси маълумотларига кўра, чегарада автомобил портлаб кетган. Чегара пости ҳудуди вайронага айланган, икки киши қурбон бўлгани айтилмоқда. АҚШ президенти Жо Байден ва Канада бош вазири Жастин Трюдо вазиятдан хабардор қилинди.

Портлаш сабаб мамлакатлар ўртасидаги тўртта чегара пункти вақтинча ёпиб қўйилди.

Воқеа жойида ҳуқуқ-тартибот идоралари ходимлари ишламоқда.