Зойир Мирзаев машина сотиб олиш учун 1,3 млрд. ажратди
Мирзаев 30 октябр куни ҳам бюджетдан катта пул ажратганди.
Иқтисод
15 ноябрь 2023 йил
Тошкент вилояти ҳокими Зойир Мирзаев хизмат машиналари учун бюджетдан 1,3 млрд. сўм ажратди. Бу бўйича ҳокимнинг тегишли фармойиши эълон қилинди.
Унга кўра, ушбу маблағга вилоят ҳокимлиги учун икки дона, Юқори Чирчиқ ҳокимлигига бир дона хизмат машинаси сотиб олинади.
Пуллар вилоят маҳаллий бюджети 2023 йил 3-чорак якунлари бўйича шаклланган даромадлар режасининг орттириб бажарилган қисми ҳисобидан ажратилади.
Аввалроқ Зойир Мирзаев 30 октябр куни бюджетдан миллиардлаб маблағ ажратгани маълум бўлганди.
