ИИВ вакили Урганч шаҳар ҳокими этиб тайинланди

Ражабов Бунёд Мадиримович - халқ депутатлари Урганч шаҳар Кенгашининг навбатдан ташқари сессиясида Урганч шаҳри ҳокими лавозимига тасдиқланди.

Бунёд Ражабов тайинловга қадар Ўзбекистон Республикаси Ички ишлар вазирлигининг Жамоат хавфсизлиги департаменти Пробация хизмати бошлиғи лавозимида фаолият юритган.

Эслатиб ўтамиз, аввал бу лавозимга Ойбек Холбоев ишлаб келганди. У бир неча кун аввал Шовот туманига ҳоким этиб тайинланганди.