Ўзбекистон FIDE жаҳон чемпионатига мезбонлик қилади

Шахматнинг рапид ва блиц йўналишлари бўйича FIDE жаҳон чемпионати жорий йил 26-30 декабр кунлари Самарқанд шаҳрида бўлиб ўтади. Бу ҳақда Бутунжаҳон шахмат федерацияси хабар берди.

"FIDE Ўзбекистоннинг шахмат бўйича бой анъаналарини ва  шахмат бўйича супер давлат бўлганини эътироф этади. Шахматга бўлган ана шундай фидойилик ва сармоя бизни ушбу нуфузли мусобақага мезбонлик қилишни Ўзбекистонга ишониб топширишимизга олиб келди", - деди ташкилот президенти Аркадий Дворкович.

“Ўзбекистон 2026 йилда Шахмат Олимпиадасига ҳам мезбонлик қилади – World Rapid ва Блиц каби йирик мусобақага мезбонлик қилиш, албатта, тайёргарликни янада кучайтиради”, — дея қўшимча қилди Дворкович.

Шуниси эътиборга лойиқки, мамлакат 2022 йилги Шахмат Олимпиадасида 188 та рақобатчи жамоа ўртасида ғолибликни қўлга киритди ва жамоалар ўртасидаги жаҳон чемпионатида Хитойдан кейин иккинчи ўринни эгаллади.

Айни дамда Ўзбекистоннинг дунёнинг кучли 100 талигидан тўрт нафар шахматчиси бор, жумладан Нодирбек Абдусатторов 2021 йилда Рапид бўйича жаҳон чемпиони (17 ёшида) унвонини қўлга киритган энг ёш спортчи бўлди.

Батафсил маълумотлар, жумладан, рўйхатдан ўтиш, меҳмонхоналар ва визалар ҳақидаги маълумотлар 15 ноябргача эълон қилинади.