Шавкат Мирзиёев ноябрда Қозоғистонга боради

Ўзбекистон Президенти Шавкат Мирзиёев 2 ноябрда ташриф билан  Остонага боради. Бу ҳақда Оқўрда матбуот хизмати хабар берди.

Ўзбекистон раҳбари у ерда Туркий давлатлар ташкилотининг юбилей 10-саммитида қатнашади.

Бундан ташқари саммитда Қозоғистон, Туркия, Озарбайжон, Қирғизистон, Туркманистон, Венгрия раҳбарлари ҳам қатнашади. 

Таъкидлаш жоизки, 1 ноябр куни Қозоғистонга Франция президенти Эммануэл Макрон расмий ташриф билан келади.