Қашқадарёда автобус газ баллони портлади, 4 киши оғир жабрланган
Қолган фуқароларга амбулатор ва психологик ёрдам кўрсатилган.
Қашқадарёда автобус газ баллони портлаб, 4 киши жароҳат олди. Бу ҳақда Фавқулодда вазиятлар вазирлиги хабар берди.
Айтилишича, жорий йилнинг 15 октябрь куни соат 16:50 ларда Қашқадарё вилояти Муборак тумани ҳудудидан ўтувчи “Қарши-Бухоро” ички йўлида “ISUZU” русумли автобус йўловчилар билан ҳаракатланиб кетаётган вақтда автобуснинг газ баллонида портлаши содир бўлган.
Оқибатда 4 нафар фуқаро ўрта оғир даражада тан жароҳатини олиб, туман тиббиёт шифохонасига ётқизилган, қолган фуқароларга амбулатор ва психологик ёрдам кўрсатилган.
"Энг асосийси ҳодиса натижасида ҳеч ким ҳалок бўлмаган" дейилади хабарда.
