Наманганда қалбаки дорилар савдоси фош қилинди
Ушбу ҳолат юзасидан тергов ҳаракатлари ўтказилмоқда.
![Наманганда қалбаки дорилар савдоси фош қилинди](https://cp.platina.uz/media/CACHE/images/4840505_7_0_1200_675_2072x0_60_0_0_a84c4f066ce6a47416ff67a1f243c34b.1680ed9b281f.webp)
Бош прокуратура ҳузуридаги департаментнинг Янги Наманган туман бўлими томонидан терговга қадар текширув ўтказилган.
Унда фуқаро М.Ш. ўз уйида яширин цех ташкил этиб, “Пирацетам” дори воситасини қиммат нархларда ўтказиш мақсадида “Панавир” номи остида қайта қадоқлаб ишлаб чиқараётганлиги аниқланиб, текширув давомида 672 қути “Пирацетам”, 299 қути “Панавир” номи туширилган дори воситаси ҳамда 12 750 дона ёрлиқ ва 2 550 дона дори воситаси ўрови учун махсус қути ашёвий далил сифатида олинган.
Ушбу ҳолат юзасидан Жиноят кодексининг 186³-моддаси (сифациз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Ўзбекистонда 65 нафар боланинг ўлимига сабаб бўлган Ҳиндистоннинг Marion Biotech компанияси қайтадан фаолиятини бошлаши маълум қилинганди.