Айрим дорилар асл нархидан 6 баробар қиммат сотилгани аниқланди

Рақобат қўмитаси ўтказган «сирли мижоз» тадбирлари давомида айрим дори воситалари учун белгиланган нархларга риоя этилмагани аниқланди.

«SHUNQORLAR» МЧЖга қарашли дорихонада «ПОЛИМИК® блистеры №10(1x10)» дори воситасининг сотиш учун рухсат этилган нархи 12 837,18 сўм бўлса-да, 70 минг сўмдан таклиф қилинган. «КОНВУЛЕКС® Капли для приема внутрь 300мг/мл» эса 66 481 сўм ўрнига 395 минг сўмдан сотиш учун таклиф этилган.

«MUNO FARM» МЧЖга қарашли Қорақамиш 2/5 мавзесидаги дорихонада «СТИМУЛОТОН Таблетки покрытые оболочкой 50мг блистеры №30(3x10)» 50 666,17 сўм ўрнига 295 минг сўмдан таклиф қилинган.

«CITY FARM» МЧЖ дорихоналарида «БАКТАМЕД 3.5мл ампулы» 18 849,43 сўм ўрнига 63 минг сўмдан сотилган. «НО-ШПА® 40 мг/2 мл ампулы №25» ҳам белгиланган нархдан юқорига сотилган.

«HOSIL FARM» МЧЖ дорихонасида «Лантус® СОЛОСТАР® 100 ЕД/мл 3мл №5(1x5)» дори воситасининг рухсат этилган 20 фоиз устама қўйилган нархи 115 173,3 сўм бўлган. Бироқ препарат 80 фоиз устама билан 190 минг сўмга сотилган.

Шу дорихонада «СЛИДЕРОН Таблетки 16 блистеры №20(2x10)» 115 677,1 сўм ўрнига 349 минг сўмдан сотилган.

«AMIR FARM TRADE» МЧЖ дорихонасида «БАКТАМЕД 0,5% 3.5мл ампулы» учун 20 фоиз ўрнига 100 фоиз устама қўйилиб, 32 минг сўм нарх белгиланган.

«FERUZA NUR MED» МЧЖга қарашли дорихонада «ПОЛИМИК® блистеры №10(1x10)» 12 837,18 сўм ўрнига 62 минг сўмдан сотилган.

«LEADER PHARMGROUP» ХК, «PHARM S GOLDEN» МЧЖ ва «RUSLAN BUYUK FARM» МЧЖга қарашли дорихоналарда ҳам «НО-ШПА® 40 мг/2 мл ампулы №25» дори воситаси белгиланган нархдан юқори нархда сотилгани аниқланган.

Аниқланган қонунбузилишлар юзасидан белгиланган тартибда кўрсатмалар берилган. Лицензия талаблари бўйича қайта кўриб чиқиш учун тегишли ваколатли органга сўров юборилган.