Тошкентда тупроқ босиб қолиши оқибатида икки киши ҳалок бўлди — ҳокимлик
Ички ишлар бўлими ва бошқа ҳуқуқни муҳофаза этувчи идоралар томонидан суриштирув ишлари олиб борилмоқда.
Тошкентда қурилишда тупроқ ўпирилиш оқибатида икки киши ҳалок бўлган. Бу ҳақда Учтепа тумани ҳокимлиги маълумот берди.
Учтепа туман ҳокимининг ўринбосари Азиз Наимовнинг маълум қилишича:
Ҳақиқатдан ҳам Учтепа тумани "Бешкайроғоч" кўчасида олиб борилаётган коллектор курилишида (котлован қазиш вақтида) 5 нафар "Шафоат" маъсулияти чекланган жамият ходимлари ишлаётган бўлган. Аммо,тупроқ кўчиши натижасида 2 нафар ишчи ходим ҳаётдан кўз юмган, 1 нафар ходим айни дамда касалхонада, қолган 2 нафар ишчиларнинг аҳволи қониқарли баҳоланмоқда.
Айни дамларда, туман Ички ишлар бўлими ва бошқа ҳуқуқни муҳофаза этувчи идоралар томонидан суриштирув ишлари олиб борилмоқда.
Аввалроқ Учтепа тумани "Бешқайрағоч" кўчасида оқова (чиқинди) сувлари учун мўлжалланган чуқурлик (котлован) қазиш вақтида ўпирилиш содир бўлиб, 3 нафар фуқаро тупроқ остида қолиб кетганлиги айтилганди.
