Шавкат Мирзиёев Қатарга боради

Шавкат Мирзиёев 1-2 октябрь кунлари давлат ташрифи билан Қатарга боради. Уни Қатар амири шайх Тамим бин Ҳамад Ол Соний таклиф қилган.

Ташриф доирасида:

• олий даражадаги икки томонлама музокаралар;
• “ЭКСПО Доха-2023” – “Яшил саҳро, янада яхши атроф-муҳит” халқаро кўргазмасининг очилиш маросими;
• Ўзбекистон-Қатар ҳамкорлигининг ҳолати ва уни ривожлантириш истиқболлари;
• халқаро ва минтақавий аҳамиятга молик долзарб масалалар юзасидан фикр алмашадилар.

Шунингдек, давлат ташрифи якунида турли соҳалардаги икки томонлама муносабатларни янада мустаҳкамлашга қаратилган ҳужжатлар имзоланиши кутилмоқда.