Коррупция бўйича халқаро мукофот эгалари аниқланди

Бугун Шавкат Мирзиёев Тошкент шаҳридаги Конгресс марказида Коррупцияга қарши курашиш бўйича юксак халқаро мукофот билан тақдирлаш маросимида иштирок этди.

Мукофот қуйидагиларга топширилди:

• “Коррупцияга қарши курашдаги ютуқлар” номинациясида Transparency International халқаро ташкилотининг собиқ раиси Хосе Карлос Угас Санчес Морено (Перу);
• “Таълим ва академик тадқиқотлар” номинациясида Сингапур миллий университети собиқ профессори Жон Куа (Сингапур) ва Загреб университети профессори Сунчана Роксандич (Хорватия);
• “Коррупцияга қарши курашишда ёшлар ижоди ва фаоллиги” учун мукофотлар Youth4IntegrityBuilding нодавлат ташкилотига (Кения) – директор Дамарис Асвега ҳамда All4Integrity нодавлат ташкилотига – асосчиси Андре Корреа Д’Альмейде;
• “Инновациялар ва журналистик суриштирувлар” номинациясида суриштирувчи мухбир Клэр Рюкасл-Браун (Буюк Британия) ва Буюк Британия Халқаро тараққиёт вазирлиги коррупцияга қарши курашиш бўлимининг собиқ раҳбари Фил Мейсон;
• “Спортни коррупциядан ҳимоя қилиш” номинациясида мукофотларга журналист ва BBC бошловчиси Вайхига Мваура (Кения) ва Central European News ахборот агентлиги муҳаррири Шантану Гуха Рэй (Ҳиндистон).