Ўзбек банкидан катта пул ўмарган шахс Россияда қўлга олинди
Гумонланувчи ҳибсга олинган ва ватанига депортация қилиниши кутилмоқда.
Санкт-Петербургда йирик миқдордаги маблағни ўзлаштиришда гумон қилинган ўзбекистонлик шахс қўлга олинди. Ҳозир уни терговчи ва хорижий банк вакиллари кутмоқда, дея хабар берди 47news нашри ҳуқуқ-тартибот идораларига асосланиб.
Нашр хабарига кўра, 21 сентябрга ўтар кечаси жиноят қидирув ходимлари Санкт-Петербургдаги Пулковское шоссесидаги уйлардан бирининг ёнида 36 ёшли Ўзбекистон фуқаросини қўлга олган. У катта ҳажмдаги пулни ўзлаштириш бўйича жиноий ишда гумонланмоқда.
Тергов маълумотларига кўра, у 2021 йилнинг январ-апрел ойлари давомида жиноий гуруҳ таркибида банкка тегишли 5 миллиард ўзбек сўмини ўзлаштирган.
Гумонланувчи ҳибсга олинган ва ватанига депортация қилиниши кутилмоқда.
Аввалроқ Курилл оролларида 4 ўзбекистонлик қаҳрамонлик кўрсатгани хабар берилганди.
