Фарғонада қўлбола ароқ оқибатида вафот этганлар сони ошди
6 сентябрь куни Олтиариқда бир фуқаро қўлбола усулда тайёрланган алкоголдан заҳарланиб, вафот этганди.
Фарғонада қўлбола ароқ истеъмоли оқибатида вафот этганлар сони кўпайди.
Бош прокуратура матбуот котиби Ҳаёт Шамсутдиновга кўра, заҳарланиш оқибатида вафот этганлар сони 4 нафарга етган.
Бугун, 10 сентябрь куни заҳарланиш оқибатида фуқаро А.X., жорий йилнинг 8 сентябрь куни эса Қ.Д. вафот этган.
Бундан ташқари, вилоятнинг Қўштепа туманида фуқаро M.Б. ҳам заҳарланишдан оламдан ўтган .
Аввалроқ 6 сентябрь куни Олтиариқ туманида бир фуқаро қўлбола усулда тайёрланган алкоголдан заҳарланиб, вафот этганди.
